தங்கம் வாங்குவோருக்கு மகிழ்ச்சி தகவல்; விலை மேலும் குறைந்தது இலங்கையில் தங்கத்தின் விலை இன்று (09) மேலும் 1,000 ரூபாயால் குறைவடைந்துள்ளதாக அகில இலங்கை நகையக வியாபாரிகள் சங்கம் தெரிவித்துள்ளது.இதன்படி, நேற்று முன்தினம் (07) 24 கரட் தங்கம் ஒரு பவுண் 377,000 ரூபாய்க்கு விற்பனை செய்யப்பட்ட நிலையில், இன்று அதன் விலை 376,000 ரூபாயாகக் குறைவடைந்துள்ளது.தற்போதைய தங்கத்தின் விலை நிலவரப்படி, 24 கரட் தங்கம் ஒரு பவுண் 376,000 ரூபாயாகவும், 22 கரட் தங்கம் ஒரு பவுண் 346,000 ரூபாயாகவும் விற்பனை செய்யப்படுகிறது.அத்துடன், 24 கரட் தங்கத்தின் ஒரு கிராமின் விலை 47,000 ரூபாயாகவும், 22 கரட் தங்கத்தின் ஒரு கிராமின் விலை 43,250 ரூபாயாகவும் காணப்படுகிறது.