அமெரிக்க ராணுவத்தின் கொடூரத் தாக்குதல்-நடுக்கடலில் நடந்த தேடுதல் வேட்டை சர்வதேச பயங்கரவாத அமைப்புகளுக்கு நிதியுதவி செய்யும் நோக்கில் பசிபிக் பெருங்கடல் வழியாகச் சென்று கொண்டிருந்த போதைப்பொருள் கடத்தல் கப்பல் ஒன்றை அமெரிக்க ராணுவம் வான் மற்றும் கடல்வழித் தாக்குதல் மூலம் அதிரடியாக நிர்மூலமாக்கியுள்ளது.நேற்றையதினம், அமெரிக்காவின் தெற்கு ராணுவக் கட்டளையின் (#SOUTHCOM) தளபதி ஜெனரல் பிரான்சிஸ் எல். டோனோவன் (General Francis L. Donovan) பிறப்பித்த அவசர உத்தரவின் பேரில் இந்த அதிரடித் தாக்குதல் நடத்தப்பட்டுள்ளது.கடத்தல்காரர்களைச் சூறையாட அமெரிக்காவின் 'கூட்டுப் பணிப்படை சதர்ன் ஸ்பியர்' (Joint Task Force Southern Spear) பசிபிக் கடல் பகுதியில் உடனடியாகக் களமிறக்கப்பட்டது.கிழக்கு பசிபிக் பகுதியில் (Eastern Pacific) சர்வதேச போதைப்பொருள் கடத்தல்காரர்கள் பயன்படுத்தும் ரகசியப் பாதைகள் வழியாக ஒரு மர்மக் கப்பல் நகர்வதை அமெரிக்க உளவுத்துறை துல்லியமாகக் கண்டறிந்தது.அந்தக் கப்பல் வெறும் போதைப்பொருள் கடத்தலில் மட்டும் ஈடுபடவில்லை, மாறாக சர்வதேச பயங்கரவாத அமைப்புகளால் (Terrorist Organizations) இயக்கப்பட்டு, அவர்களுக்கு நிதியைத் திரட்டும் உறைவிடமாகச் செயல்பட்டு வந்ததை உளவுத்துறை உறுதிப்படுத்தியது.உளவுத்துறை தகவலைத் தொடர்ந்து, அமெரிக்க கூட்டுப் பணிப்படை அந்தக் கப்பல் மீது கொடிய நேரடித் தாக்குதலைத் (Deadly Direct Strike) தொடுத்தது.அமெரிக்கப் படைகளின் அசுர வேகத் தாக்குதலில் கப்பலில் இருந்த நபர் ஒருவன் சம்பவ இடத்திலேயே கொல்லப்பட்டார். கப்பலில் இருந்த மேலும் இருவர் கடலில் குதித்து உயிர் தப்பினர். இந்த அதிவேக மோதலின் போது அமெரிக்க இராணுவப் படையினர் (U.S. Military Personnel) யாருக்கும் எந்தவித பாதிப்போ அல்லது காயமோ ஏற்படவில்லை என பென்டகன் தெரிவித்துள்ளது.மோதல் முடிவடைந்ததைத் தொடர்ந்து, கடலில் குதித்துத் தப்பிய எஞ்சிய இரு கடத்தல்காரர்களைக் உயிருடன் கண்டுபிடிப்பதற்காகத் தேடுதல் மற்றும் மீட்பு அமைப்பை (Search and Rescue System) செயல்படுத்துமாறு USSOUTHCOM உடனடியாக அமெரிக்கக் கடலோரக் காவல்படைக்கு (U.S. Coast Guard) அவசரத் தகவல் அளித்துள்ளது.