அமெரிக்காவில் உச்சம் தொட்ட டீசல் விலை ஈரானுடனான நீடித்த போரால் உலகளாவிய எரிசக்தி விநியோகம் தொடர்ந்து பாதிக்கப்பட்டு வரும் நிலையில், அமெரிக்காவில் டீசல் விலை புதிய வரலாற்று உச்சத்தை எட்டியுள்ளது.மத்திய கிழக்கில் நீடிக்கும் பதற்றம் காரணமாக எண்ணெய் விநியோகச் சங்கிலியில் ஏற்பட்டுள்ள சீர்குலைவு, அமெரிக்க எரிபொருள் சந்தையிலும் நேரடி தாக்கத்தை ஏற்படுத்தி வருகிறது.குறிப்பாக, சரக்கு வாகனங்கள், விவசாய இயந்திரங்கள் மற்றும் தொழில்துறை போக்குவரத்துக்கு முக்கியமாக பயன்படுத்தப்படும் டீசல் விலை உயர்வு, போக்குவரத்து செலவுகள் மற்றும் அத்தியாவசியப் பொருட்களின் விலைகளிலும் கூடுதல் அழுத்தத்தை ஏற்படுத்தக்கூடும் என அச்சம் எழுந்துள்ளது.உலகின் முக்கியமான எண்ணெய் போக்குவரத்து வழித்தடமான ஹோர்முஸ் ஜலசந்தியைச் சுற்றியுள்ள பதற்றம் தொடர்ந்து நீடித்தால், எரிசக்தி சந்தையில் மேலும் விலை ஏற்ற இறக்கங்கள் ஏற்படக்கூடும்.இதனால், ஈரான்–அமெரிக்கா மோதல் தற்போது போர்க்களத்தைத் தாண்டி உலகளாவிய எரிபொருள் விலைகளிலும் தாக்கத்தை ஏற்படுத்தி வருகிறது.