ஹோர்முஸ் ஜலசந்தியில் வெடித்து சிதறிய எண்ணெய் கப்பல் ஹோர்முஸ் ஜலசந்தியில் ஐக்கிய அரபு அமீரகத்திற்குச் சொந்தமான “எல் கையா” (El Gaia) என்ற எண்ணெய் கப்பல் தீப்பற்றி சேதமடைந்த சம்பவம் பரபரப்பை ஏற்படுத்தியுள்ளது.ஈரானிய புரட்சிகரப் பாதுகாப்புப் படை (IRGC) வெளியிட்ட தகவலின்படி, கப்பல் கண்ணிவெடியில் மோதியதைத் தொடர்ந்து வெடிப்பு ஏற்பட்டு தீப்பற்றியதாக தெரிவிக்கப்பட்டுள்ளது. அந்தப் பகுதியில் கண்ணிவெடி அபாயம் குறித்து ஏற்கனவே எச்சரிக்கை விடுக்கப்பட்டிருந்ததாகவும் ஈரான் கூறியுள்ளது.எனினும், அமெரிக்க தரப்பு வேறுபட்ட விளக்கத்தை முன்வைத்து, கப்பல் ஈரானிய ஏவுகணை மற்றும் ட்ரோன் தாக்குதலுக்கு உள்ளானதாக தெரிவித்துள்ளது. இதனால் சம்பவத்துக்கான காரணம் குறித்து இரு தரப்பினரின் கூற்றுகளும் முரண்படுகின்றன.ஹோர்முஸ் ஜலசந்தியில் ஏற்கனவே கப்பல் போக்குவரத்து கடுமையாக பாதிக்கப்பட்டுள்ள நிலையில், இந்த புதிய சம்பவம் சர்வதேச கப்பல் மற்றும் எண்ணெய் விநியோக பாதுகாப்பு குறித்த அச்சத்தை மேலும் அதிகரித்துள்ளது.