இந்தியாவிற்கு பயணமாகும் நாமல் உள்ளிட்ட எதிர்க்கட்சி குழுவினர்  இந்திய குடியரசு தின நிகழ்வுக்காக நாடாளுமன்ற உறுப்பினர் நாமல் ராஜபக்ஸ உள்ளிட்ட சில எதிர்க்கட்சி உறுப்பினர்களுக்கு அழைப்பு விடுக்கப்பட்டுள்ளது.  அதன்படி, அழைப்பு விடுக்கப்பட்டுள்ள எதிர்க்கட்சி நாடாளுமன்ற உறுப்பினர்கள் ஒடிஷா மாநிலத்திற்குப் பயணமாகவுள்ளதாக அறிவிக்கப்பட்டுள்ளது.  எதிர்வரும் 26 ஆம் திகதி இந்தியக் குடியரசு தினம் கொண்டாடப்படவுள்ளது.  இந்த நிலையில் இந்தியாவிற்கு விஜயம் செய்யவுள்ள குழுவினர் உலகில் மிகச் சிறந்த அனர்த்த முகாமைத்துவ நிலையமாகக் கருதப்படும் ஒடிஷா அனர்த்த முகாமைத்துவ மத்திய நிலையத்திற்கும் செல்லவுள்ளனர்.  அத்துடன், விஜயன் காலத்திற்குரிய பௌத்த தொல்பொருட்களையும் பார்வையிட திட்டமிடப்பட்டுள்ளது.  இந்த சுற்றப்பயணம் தொடர்பான கலந்துரையாடல், இலங்கைக்கான இந்திய உயர்ஸ்தானிகரின் உத்தியோகபூர்வ இல்லத்தில் நடைபெற்றுள்ளது.