எரிபொருள் இறக்குமதியில் இலங்கைக்கு ஏற்பட்ட பாரிய செலவு 2026ஆம் ஆண்டின் முதல் எட்டு மாதங்களில், எரிபொருள் இறக்குமதிக்காக இலங்கை 4,072.1 மில்லியன் அமெரிக்க டொலர்களை செலவிட்டுள்ளதாக இலங்கை மத்திய வங்கியின் தரவுகள் தெரிவிக்கின்றன.2025ஆம் ஆண்டின் ஜனவரி முதல் ஆகஸ்ட் வரையிலான காலப்பகுதியில் எரிபொருள் இறக்குமதிக்காக செலவிடப்பட்ட 2,520.6 மில்லியன் அமெரிக்க டொலர்களுடன் ஒப்பிடுகையில், இது 61.6 சதவீத அதிகரிப்பாகும்.இதன்படி, கடந்த ஆண்டின் இதே காலப்பகுதியுடன் ஒப்பிடுகையில், 2026ஆம் ஆண்டின் முதல் எட்டு மாதங்களில் எரிபொருள் இறக்குமதிச் செலவு 1,551.5 மில்லியன் அமெரிக்க டொலர்களால் அதிகரித்துள்ளது.இதேவேளை, 2026ஆம் ஆண்டு ஆகஸ்ட் மாதத்தில் மட்டும் எரிபொருள் இறக்குமதிக்காக 450.6 மில்லியன் அமெரிக்க டொலர்கள் செலவிடப்பட்டுள்ளன.2025ஆம் ஆண்டு ஆகஸ்ட் மாதத்தில் இந்தச் செலவு 255.2 மில்லியன் அமெரிக்க டொலர்களாக காணப்பட்ட நிலையில், இந்த ஆண்டு ஆகஸ்டில் 76.5 சதவீத அதிகரிப்பு பதிவாகியுள்ளது.அதாவது, கடந்த ஆண்டின் இதே மாதத்துடன் ஒப்பிடுகையில், 2026 ஆகஸ்ட் மாதத்தில் எரிபொருள் இறக்குமதிக்கான செலவு 195.4 மில்லியன் அமெரிக்க டொலர்களால் அதிகரித்துள்ளது.மேலும், சுத்திகரிக்கப்பட்ட பெட்ரோலியப் பொருட்களின் இறக்குமதிக்கான செலவும் குறிப்பிடத்தக்க அளவில் அதிகரித்துள்ளது.2025 ஆகஸ்ட் மாதத்தில் சுத்திகரிக்கப்பட்ட பெட்ரோலிய இறக்குமதிக்காக 202.9 மில்லியன் அமெரிக்க டொலர்கள் செலவிடப்பட்டிருந்த நிலையில், 2026 ஆகஸ்ட் மாதத்தில் இந்தத் தொகை 321.9 மில்லியன் அமெரிக்க டொலர்களாக அதிகரித்துள்ளது.இதன்படி, சுத்திகரிக்கப்பட்ட பெட்ரோலிய இறக்குமதிச் செலவில் ஆண்டுக்கு ஆண்டு அடிப்படையில் 58.7 சதவீத அதிகரிப்பு பதிவாகியுள்ளதாக மத்திய வங்கியின் தரவுகள் தெரிவிக்கின்றன.