பல்லி போல விசித்திர முகஅமைப்பு கொண்ட குடும்பம் இந்தோனேசியாவின் வடக்கு சுமத்ராவில் உள்ள மனுருங் குடும்பம், சமூக ஊடகங்களில் தனது அசாதாரண முக அம்சங்களை பகிர்ந்து, உலகளாவிய கவனத்தை ஈர்த்துள்ளனர்.இந்த குடும்பத்தின் ஆறு உடன்பிறப்புகளில் நான்கு பேர், Treacher Collins Syndrome என்ற அரிய மரபணு கோளாறால் பிறந்துள்ளனர். இது முக எலும்புகளின் வளர்ச்சியை பாதித்து, சிறிய தாடை, கன்னத்து எலும்புகளின் குறைவு மற்றும் தனித்துவமான முக அம்சங்களை உருவாக்குகிறது. கிராமவாசிகள் ஆரம்பத்தில் அவர்களை "பல்லிகள் போல" என்று தவறாக புரிந்து, சமூக தனிமைப்படுத்தலும் களங்கமும் கொடுத்தனர்.சிலர் கொடூரமாக "பல்லிகள்" என்று முத்திரை குத்தியுள்ளனர்.யூடியூப் மற்றும் டிக்டாக் சேனல்கள் மூலம் அவர்களின் வேலை, குடும்ப வாழ்க்கை மற்றும் நகைச்சுவை தருணங்களை பகிர்ந்துள்ளனர்.இன்று, அவர்கள் சேனல்களுக்கு மில்லியன்கள் கணக்கான பின்தொடர்பவர்கள் உள்ளனர் அத்துடன் குறித்த நோய் தொடர்பான விழிப்புணர்வையும் பகிர்ந்து வருகின்றனர்."எங்கள் முகங்கள் வேறுபட்டவை, ஆனால் நாங்கள் அதை ஏற்றுக்கொண்டு எங்கள் வாழ்க்கையை வாழ்கிறோம்." என அவர்கள் கூறுகின்றனர்.சகோதரர் சூர்யா மனுருங், முன்னொரு காலத்தில் நிராகரிக்கப்பட்ட அனுபவத்தை வெளிப்படையாகப் பகிர்ந்து "ஆரம்ப ஆண்டுகளில், தோற்றம் மட்டுமே கதவுகளை மூடியது. இன்று, அதை நாங்கள் நம்பிக்கையாக மாற்றினோம்." எனவும் கூறியுள்ளார்.ஒரு குடும்பத்தின் தனித்துவமான தோற்றம், சமூக அவமானத்தைக் கடந்து, உலகளாவிய விழிப்புணர்வு, ஆதரவு மற்றும் கல்வியை உருவாக்கும் சக்தியாக மாறியுள்ளது.https://www.facebook.com/share/v/1BjWWHfKQh/