ஈரானின் இராணுவ உபகரணங்களை அழிக்கும் அமெரிக்கா -சென்ட்காம் வெளியிட்ட காணொளி மத்திய கிழக்கு மற்றும் மேற்கு ஆசியாவில் போர் பதற்றம் தீவிரமடைந்து வரும் நிலையில், ஈரானின் இராணுவ உபகரணங்கள் மீது அமெரிக்க விமானப்படை தாக்குதல் நடத்துவதை சித்தரிக்கும் காணொளியை அமெரிக்க மத்திய கட்டளையகம் (CENTCOM) வெளியிட்டுள்ளது.குறித்த காணொளியில், ஈரானின் இராணுவ உபகரணங்கள் மற்றும் தொடர்புடைய இலக்குகள் மீது அமெரிக்க விமானப்படை தாக்குதல் நடத்தும் காட்சிகள் இடம்பெற்றுள்ளது.இந்த தாக்குதல் தொடர்பான காணொளி வெளியாகியுள்ள நிலையில், அமெரிக்கா–ஈரான் இடையிலான நேரடி இராணுவ மோதல் மேலும் தீவிரமடைந்துள்ளதா என்ற கேள்வி எழுந்துள்ளது.மத்திய கிழக்கு மற்றும் மேற்கு ஆசியப் பிராந்தியங்களில் ஏற்கனவே பல முனைகளில் மோதல்கள் தீவிரமடைந்துள்ள நிலையில், அமெரிக்காவின் புதிய இராணுவ நடவடிக்கைகள் பிராந்திய பதற்றத்தை மேலும் அதிகரிக்கக்கூடும் என அச்சம் வெளியிடப்பட்டுள்ளது.இந்நிலையில், ஈரான் தரப்பில் இருந்து இதற்கு எவ்வாறான பதிலடி நடவடிக்கை மேற்கொள்ளப்படும் என்பது குறித்து சர்வதேச அளவில் உன்னிப்பாகக் கண்காணிக்கப்பட்டு வருகிறது.