வெடித்து சிதறிய ரஷ்யா எண்ணெய் சுத்திகரிப்பு நிலையம்-உக்ரைனின் அதிரடி தாக்குதல் ரஷ்யாவின் வெற்றி தின (Victory Day) அணிவகுப்பிற்கு முன்னதாக, உக்ரைனிய ஆளில்லா விமானங்கள் நடத்திய அதிரடித் தாக்குதலில் யாரோஸ்லாவ்ல்  பிரம்மாண்டமான எண்ணெய் சுத்திகரிப்பு நிலையம் தீப்பற்றி எரிந்து வருகிறது. ரஷ்யாவின் முதல் ஐந்து பெரிய சுத்திகரிப்பு நிலையங்களில் ஒன்றான இதன் மீதான தாக்குதல், ரஷ்யாவிற்குப் பெரும் பொருளாதாரப் பின்னடைவை ஏற்படுத்தியுள்ளது.ஸ்லாவ்நெஃப்ட்-யானோஸ்' (Slavneft-YANOS) என்று அழைக்கப்படும் இந்த சுத்திகரிப்பு நிலையத்தின் முக்கியப் பகுதிகளை உக்ரைனிய ட்ரோன்கள் துல்லியமாகத் தாக்கின.தாக்குதலைத் தொடர்ந்து ஏற்பட்ட வெடிச்சம்பவங்களால் அந்தப் பகுதி முழுவதும் கரும்புகை சூழ்ந்தது. சுமார் 700 கி.மீ தொலைவில் இருந்து ஏவப்பட்ட நீண்ட தூர ட்ரோன்கள் (Long-range Drones) இந்தச் சாதனையை நிகழ்த்தியுள்ளன.யாரோஸ்லாவ்ல் மட்டுமல்லாது, கடந்த 24 மணிநேரத்தில் ரஷ்யாவின் பல முக்கிய இடங்கள் குறிவைக்கப்பட்டுள்ளன:ரஷ்யத் தலைநகர் மாஸ்கோவை நோக்கியும் ட்ரோன்கள் ஏவப்பட்டன; ஆனால் அவை வான் பாதுகாப்பு அமைப்புகளால் சுட்டு வீழ்த்தப்பட்டதாக மாஸ்கோ மேயர்  தெரிவித்துள்ளார்.