தாமரை கோபுரத்தில் பங்கீ ஜம்பிங் திட்டம் கொழும்பு தாமரை கோபுரத்தில் அடுத்த ஆண்டுக்குள் பங்கீ ஜம்பிங் (Bungee jumping) திட்டத்தைத் தொடங்க திட்டமிட்டுள்ளதாக அதன் தலைவர் ஷிரந்த பீரிஸ் தெரிவித்தார்.ஊடகங்களுக்குப் பேசிய அவர், பங்கேற்பாளர்களின் பாதுகாப்பை உறுதி செய்வதற்காக அதிகபட்ச பாதுகாப்பு நடவடிக்கைகளுடன் இந்த திட்டம் அறிமுகப்படுத்தப்படும் என்று தெரிவித்தார்.கடந்த ஆண்டு அக்டோபர் 7 ஆம் தேதி நடந்த துயர சம்பவத்தை ஷிரந்த பீரிஸ் நினைவு கூர்ந்தார், அப்போது ஒரு இளம் மாணவர் தாமரை கோபுரத்திலிருந்து குதித்து உயிரிழந்தார். இது ஒரு சோகமான சம்பவம் என்றும் அவர் தெரிவித்தார்.தாமரை கோபுரம் எப்போதும் சர்வதேச பாதுகாப்பு தரங்களைப் பேணி வருவதாகவும், புதிய நிர்வாகம் பாதுகாப்பு ஏற்பாடுகளை மேலும் வலுப்படுத்த உடனடியாகச் செயல்பட்டுள்ளதாகவும் தலைவர் தெரிவித்தார்.இலங்கையில் முதல் பஞ்சி ஜம்பிங் வசதியைத் தொடங்க கொழும்பு தாமரை கோபுரமும் சிங்கப்பூர் கோ பஞ்சி நிறுவனமும் முன்னர் ஒரு ஒப்பந்தத்தில் கையெழுத்திட்டிருந்தன. இந்த திட்டம் நிறைவேற்றப்பட்டால், தாமரை கோபுரம் உலகின் மிக உயரமான பஞ்சி ஜம்பிங் வசதியாக மாறும் என்பதும் குறிப்பிடத்தக்கது.