தியாகி திலீபனின் 39ஆம் ஆண்டு நினைவேந்தல்: பிரித்தானியாவில் தொடரும் அடையாள உண்ணாவிரதம் தியாகி திலீபனின் 39ஆம் ஆண்டு நினைவேந்தலை முன்னிட்டு, பிரித்தானியாவில் 12 நாட்கள் சுழற்சி முறையில் முன்னெடுக்கப்பட்டு வரும் அடையாள உண்ணாவிரதப் போராட்டம் தொடர்ச்சியாக இடம்பெற்று வருகின்றது.கடந்த செப்டம்பர் 15ஆம் திகதி ஆரம்பிக்கப்பட்ட இந்தப் போராட்டம், தியாகி திலீபனின் நினைவேந்தல் காலத்தை முன்னிட்டு பிரித்தானியாவின் பல்வேறு பகுதிகளில் முன்னெடுக்கப்பட்டு வருகின்றது.இந்நிலையில், நேற்று புதன்கிழமை பிரித்தானியாவின் பர்மிங்ஹாம் (Birmingham) நகரில் அடையாள உண்ணாவிரதப் போராட்டம் இடம்பெற்றுள்ளது.தியாகி திலீபனின் 39ஆம் ஆண்டு நினைவேந்தல் நிகழ்வுகள் இலங்கையிலும், புலம்பெயர் தமிழர்கள் வாழும் பல்வேறு நாடுகளிலும் முன்னெடுக்கப்பட்டு வரும் நிலையில், அதன் ஒரு பகுதியாகவே பிரித்தானியாவில் இந்தச் சுழற்சி முறையிலான அடையாள உண்ணாவிரதப் போராட்டம் இடம்பெற்று வருகின்றது.12 நாட்கள் தொடர்ச்சியாக முன்னெடுக்கப்படும் இந்தப் போராட்டத்தில், பங்கேற்பாளர்கள் சுழற்சி முறையில் உண்ணாவிரதத்தில் ஈடுபட்டு வருவதாக தெரிவிக்கப்படுகின்றது.