மத்திய கிழக்கில் அமைதி மலருமா புதிய போர் வெடிக்குமா முப்பரிமாண மோதலில் ஒப்பந்தப் பின்னணி லெபனான் மீதான இஸ்ரேலின் கடுமையான ராணுவத் தாக்குதல்களுக்குப் பிறகு, இரு நாடுகளுக்கும் இடையே தற்காலிக அமைதிக்கான 'கட்டமைப்பு ஒப்பந்தம்' (Framework Agreement) ஒன்று எட்டப்பட்டுள்ளது. எனினும், இஸ்ரேல் பிரதமர் பெஞ்சமின் நெதன்யாகுவின் பிடிவாதம் மற்றும் லெபனானின் ஹெஸ்பொல்லா அமைப்பின் கடும் எதிர்ப்பு ஆகியவற்றால், இந்த ஒப்பந்தம் அமைதிக்கு வழிவகுக்குமா அல்லது புதிய மோதலுக்குப் பிள்ளையார் சுழி போடுமா என்ற மிகப்பெரிய கேள்வி எழுந்துள்ளது.இந்தச் சர்வதேசப் பதற்றத்தின் பின்னணியில், மூன்று முக்கியத் தரப்புகளின் தற்போதைய அதிகாரப்பூர்வ நிலைப்பாடுகள் இதோ:இஸ்ரேலியப் பிரதமர் பெஞ்சமின் நெதன்யாகு, இந்த ஒப்பந்தம் குறித்துத் தனது கடுமையான ராணுவ வியூகத்தை மீண்டும் தெளிவுபடுத்தியுள்ளார்லெபனான் மீதான போர் என்பது, வடக்கு இஸ்ரேல் பகுதி மக்கள் மீது ஹெஸ்பொல்லா நடத்தும் ஏவுகணைத் தாக்குதல்களைத் தடுப்பதற்கே ஆகும்."லெபனானின் ஹெஸ்பொல்லா அமைப்பு முற்றிலும் நிராயுதபாணியாக்கப்படாத (Disarmed) வரையிலும், இஸ்ரேலின் எல்லைப் பாதுகாப்பிற்கு அச்சுறுத்தல் நீடிக்கும் வரையிலும்" தற்போதைய ஒப்பந்தத்தின்படி இஸ்ரேலியப் படைகள் லெபனான் மண்ணில் இருந்து ஒருகாலும் வெளியேறாது என்று நெதன்யாகு திட்டவட்டமாக வாதிடுகிறார்.லெபனான் ஜனாதிபதி ஜோசப் அவுன் (Joseph Aoun), இந்த ஒப்பந்தத்தை லெபனான் நாட்டின் அதிகாரப்பூர்வ எல்லையைப் பாதுகாப்பதற்கான ஒரு நல்வாய்ப்பாகப் பார்க்கிறார்:"இந்தக் கட்டமைப்பு ஒப்பந்தம் என்பது, லெபனான் தனது ஒட்டுமொத்தப் பிராந்தியத்தின் மீதான முழு இறையாண்மையையும் (Sovereignty) சர்வதேசச் சட்டங்களின்படி மீட்டெடுப்பதற்கான பாதையில் வைக்கப்பட்ட ஒரு வரலாற்று முக்கியத்துவம் வாய்ந்த முதல் படியாகும்" என்று அவர் நம்பிக்கை தெரிவித்துள்ளார்.