அமெரிக்க அழிப்புக் கப்பலுக்கு உயிர் கொடுத்த நீர்மூழ்கிக் கப்பல் மத்திய கிழக்கு பகுதிகளில் நிலவும் போர்ச் சூழலுக்கு மத்தியில், அமெரிக்கக் கடற்படையின் யுஎஸ்எஸ் டெல்பர்ட் டி. பிளாக் (USS Delbert D. Black - DDG 119) என்ற வழிகாட்டப்பட்ட ஏவுகணை அழிப்புக் கப்பலுக்கு, யுஎஸ்என்எஸ் வாலி ஷிரா (USNS Wally Schirra - T-AKE 8) நீர்மூழ்கிக் கப்பல்  நடுக்கடலில் வைத்து எரிபொருள் மற்றும் அத்தியாவசியப் பொருட்களை வழங்கியது.ஒரு போர்க்கப்பல் தனது எரிபொருள் அல்லது உணவுக்காகத் துறைமுகத்திற்குத் திரும்பிச் சென்றால், அது போர்க்களத்தில் பலவீனத்தை ஏற்படுத்தும். இதைத் தவிர்க்கவே, கப்பல்கள் நகர்ந்து கொண்டிருக்கும் போதே (Underway) இந்தப் பரிமாற்றம் நடைபெறுகிறது. எரிபொருள் தவிர, டன் கணக்கிலான உணவுப் பொருட்கள் (Pallets of food), வெடிமருந்துகள் மற்றும் உதிரிப் பாகங்கள் 'வாலி ஷிரா' கப்பலில் இருந்து 'டெல்பர்ட் டி. பிளாக்' கப்பலுக்குப் பாதுகாப்பாக மாற்றப்பட்டன.'யுஎஸ்எஸ் டெல்பர்ட் டி. பிளாக்' தற்போது அமெரிக்காவின் 5-வது கடற்படைப் பிரிவின் (U.S. 5th Fleet) கீழ், மத்திய கிழக்கில் கடல்சார் பாதுகாப்பை உறுதி செய்யும் பணிகளில் ஈடுபட்டுள்ளது.ஈரான் மற்றும் அதன் ஆதரவு அமைப்புகளின் அச்சுறுத்தல்களை எதிர்கொள்ள, இத்தகைய எரிபொருள் நிரப்புதல்கள் அமெரிக்கக் கப்பல்கள் நீண்ட காலம் நடுக்கடலில் நிலைநிறுத்தப்பட உதவுகின்றன.