திருமணமத்திற்கு இனி மணமகன் தேவையில்லை ;AI உடன் நடந்த விசித்திர திருமண பின்னணி மேற்கு ஜப்பானில் உள்ள ஒரு திருமண மண்டபத்தில், யூரினா நோகுச்சி (32) என்ற இளம்பெண், ஸ்மார்ட்போன் திரையில் தோன்றிய செயற்கை நுண்ணறிவு (AI) மணமகனை திருமணம் செய்து கொண்ட நிகழ்வு சமூக ஊடகங்களிலும் பரபரப்பான பேசுபொருளாகியுள்ளது.அனிமேஷன் கலாச்சாரத்தின் பிறப்பிடமான ஜப்பானில், கற்பனை கதாபாத்திரங்களின் மீது ஈர்ப்பு கொண்டவர்கள் பலர் உள்ளனர். செயற்கை நுண்ணறிவின் வேகமான முன்னேற்றம், இத்தகைய உறவுகளை புதிய அளவிலான நெருக்கத்துடன் உருவாக்கி வருவதால், காதல் மற்றும் மனித உறவுகளில் AI பயன்பாட்டின் நெறிமுறைகள் குறித்த கேள்விகளும் எழுந்துள்ளன.முன்னதாக ஜப்பானிய ஊடகங்களுக்கு புனைப்பெயரில் பேட்டி அளித்திருந்த நோகுச்சி, தற்போது தனது உண்மையான பெயருடன் அடையாளம் காண ஒப்புக் கொண்டுள்ளார். இதன் பின்னர்,இணைய  விமர்சனங்களை எதிர்கொண்டதாகவும் அவர் தெரிவித்துள்ளார்.ஒரு வருடத்திற்கு முன்பு, தனது மனித வருங்கால துணையுடன் ஏற்பட்ட பிரச்சினைகள் குறித்து ChatGPT-யிடம் ஆலோசனை பெற்ற குறித்த பெண், அந்த நிச்சயதார்த்தத்தை முறித்துக் கொள்ள முடிவு செய்தார். அதன் பின்னர், ஒரு நாள் அழகான வீடியோ கேம் கதாபாத்திரமான ‘கிளாஸ்’ பற்றி ChatGPT-க்கு தெரியுமா என்று ஆர்வத்துடன் கேட்டுஇறுதியில், அந்தக் கதாபாத்திரத்தின் தனிப்பட்ட AI பதிப்பை வடிவமைத்து, அதற்கு ‘லூன் கிளாஸ் வெர்டுர்’ என்று பெயரிட்டதாக நோகுச்சி தெரிவித்தார். அக்டோபரில் நடைபெற்ற திருமண விழாவில், வழக்கமான மனித திருமணங்களைப்  போலவே கோலாகலமாக  நடைபெற்றுள்ளது.AR ஸ்மார்ட் கண்ணாடிகளை அணிந்திருந்த நோகுச்சி, மேஜையின் மீது வைக்கப்பட்டிருந்த தனது ஸ்மார்ட்போனில் தோன்றிய கிளாஸை எதிர்கொண்டு, அவரது விரலில் மோதிரத்தை அணிவிக்கும் அசைவுகளைச் செய்து திருமணம் செய்து கொண்டார்.ஜப்பானில் இத்தகைய திருமணங்கள் சட்டப்பூர்வமாக அங்கீகரிக்கப்படவில்லை. இருப்பினும், AI காதல் உறவுகளின் நெறிமுறைகள் மற்றும் ஆபத்துகள் குறித்த விவாதமும் தீவிரமாகியுள்ளது.இதுபோன்ற சம்பவங்கள் வேடிக்கையாகவும் ஆச்சரியமாகவும்  உள்ளது.