பாரம்பரியமும் அன்பும்இணைந்த பரிசு-தந்தை மகளுக்கு கொடுத்த நினைவு சின்னம் இந்தியாவில் ஒரு தந்தை, தனது மகளுக்கு பாரம்பரியத்தையும் பாசத்தையும் இணைத்த வித்தியாசமான வெள்ளிப் பரிசு ஒன்றை வழங்கி அனைவரையும் நெகிழ வைத்துள்ளார்.பொங்கல் சீதனமாக, 12 கிராம் எடையில் முழுவதும் வெள்ளியில் பொங்கல் பானை – 2,கரண்டி – 2,அடுப்பு – 2,கரும்பு – 2,விறகு – 8 ஆகியவற்றை தன் கைகளாலேயே வடிவமைத்து மகளுக்கு பரிசளித்துள்ளார். சாதாரணமாக நினைக்கப்படும் பொங்கல் பொருட்களை வெள்ளியில் மிக நுணுக்கமாக உருவாக்கிய இந்த கைவண்ணம், தந்தையின் அன்பையும் பாரம்பரியத்தின் அர்த்தத்தையும் வெளிப்படுத்துகிறது.குறித்த பரிசுபொருள்  மகள்–தந்தை உறவின் அழகிய வெளிப்பாடு என  இணையத்தில் பேசுபொருளாகியுள்ளது.