எங்களை அடிபணிய வைக்க முடியாது-ஈரான் அதிபரின் அதிரடி எச்சரிக்கை ஈரானை அடிபணியச் செய்யும் எந்தவொரு முயற்சியையும் தங்கள் நாடு எதிர்க்கும் என ஈரான் அதிபர் மசூத் பெஷெஷ்கியன் திட்டவட்டமாக தெரிவித்துள்ளார்.ஈரானின் இறையாண்மை மற்றும் தேசிய உரிமைகளை விட்டுக்கொடுக்கச் செய்யும் வெளிப்புற அழுத்தங்களுக்கு தெஹ்ரான் ஒருபோதும் பணியாது என்றும் அவர் வலியுறுத்தியுள்ளார்.தற்போது ஈரானைச் சுற்றி அதிகரித்து வரும் பிராந்திய பதற்றங்களுக்கு மத்தியில் அதிபரின் இந்தக் கருத்து வெளியாகியுள்ளது. குறிப்பாக அமெரிக்காவுடனான மோதல் மற்றும் பிராந்திய பாதுகாப்பு சூழ்நிலை தீவிரமடைந்து வரும் நிலையில், ஈரானின் நிலைப்பாட்டை பெஷெஷ்கியனின் கருத்துகள் மீண்டும் வெளிப்படுத்தியுள்ளன.ஈரானுக்கு எதிரான அழுத்தங்கள் அல்லது அச்சுறுத்தல்கள் மூலம் அதன் கொள்கைகளை மாற்ற முடியாது என்றும், நாட்டின் சுதந்திரம் மற்றும் தேசிய கண்ணியத்தைப் பாதுகாப்பதே அரசின் முக்கிய நோக்கம் என்றும் அவர் தெரிவித்துள்ளார்.இதனால், ஈரான்–அமெரிக்கா இடையிலான பதற்றம் மேலும் தீவிரமடையுமா என்ற கேள்வி எழுந்துள்ளது