அமெரிக்க தடைகள் எங்களை அசைக்க முடியாது-ஈரான் விடுத்த பகிரங்க சவால் அமெரிக்கா விதிக்கும் பொருளாதாரத் தடைகள் ஈரானுக்கு செலவையும் பொருளாதார மந்தநிலையையும் ஏற்படுத்தினாலும், நாட்டை முழுமையாக முடக்க முடியாது என ஈரானின் முதல் துணை அதிபர் முகமது ரேசா ஆரிஃப் தெரிவித்துள்ளார்.இராணுவ ரீதியாக தனது இலக்குகளை அடைவதில் தோல்வியடைந்த அமெரிக்கா தற்போது “பொருளாதாரப் போரை” நாடுவதாக அவர் குற்றம்சாட்டினார்.தடைகளை எதிர்கொள்வதில் ஈரான் ஏற்கெனவே பெற்ற அனுபவங்களைப் பயன்படுத்தி, புதிய பொருளாதார அழுத்தங்களையும் வெற்றிகரமாக சமாளிக்க முடியும் என அரேஃப் கூறினார்.தடைகள் நாட்டின் வளர்ச்சியை பாதித்து வேகத்தை குறைத்தாலும், அவை ஈரானை செயலிழக்கச் செய்யாது என்றும் அவர் தெரிவித்தார். மேலும், வெளிநாட்டு இறக்குமதியை குறைத்து உள்நாட்டு உற்பத்தி மற்றும் உள்ளூர்மயமாக்கலை நோக்கி ஈரான் நகர்ந்திருப்பது தடைகளின் சூழலில் ஒரு சாதகமாக அமைந்துள்ளதாகவும் அவர் குறிப்பிட்டார்.அமெரிக்கா–ஈரான் இடையேயான பதற்றம் தொடர்ந்து நீடித்து வரும் நிலையில், ஈரானிய தலைமை வெளியிட்டுள்ள இந்தக் கருத்து சர்வதேச அளவில் கவனம் பெற்றுள்ளது.