வெளிமாவட்டங்களிலும் ஒரு நாள் ஓட்டுநர் உரிமங்களை அச்சிடத் திட்டம்  அடுத்த ஆண்டு முதல் குருநாகல், பதுளை மற்றும் அம்பாறை மாவட்ட அலுவலகங்கள் மூலம் ஒரு நாள் சேவையின் கீழ் ஓட்டுநர் உரிமங்களை அச்சிட திட்டமிடப்பட்டுள்ளதாக மோட்டார் போக்குவரத்துத் துறை தெரிவித்துள்ளது.இந்த ஒரு நாள் சேவை தற்போது வேரஹெர மற்றும் ஹம்பாந்தோட்டை அலுவலகங்கள் மூலம் மட்டுமே வழங்கப்படுகின்றது.மேலும், மோட்டார் போக்குவரத்துத் துறையின் வேரஹெர டிஜிட்டல் அமைப்புடன் 12 மாவட்ட அலுவலகங்கள் மட்டுமே இணைக்கப்பட்டுள்ளதாகவும், மீதமுள்ள 13 மாவட்ட அலுவலகங்களும் இந்த அமைப்புடன் இணைக்கப்படும் என்று எதிர்பார்க்கப்படுவதாகவும் மோட்டார் போக்குவரத்துத் துறையின் மூத்த அதிகாரி ஒருவர் குறிப்பிட்டுள்ளார்.