இரு மேலதிக வாக்குகளால் யாழ் மாநகர சபையின் பட்ஜட் நிறைவேற்றம் யாழ்ப்பாணம் மாநகர சபையின் 2026 ஆம் ஆண்டுக்கான வரவு - செலவுத் திட்டம் இன்று 2 மேலதிக வாக்குகளால் நிறைவேற்றப்பட்டது.வரவு - செலவுத் திட்டம் இன்று யாழ். மாநகர சபையின் சபா மண டபத்தில் மேயர் வி.மதிவதனியால் சபை அங்கீகாரத்துக்காகச்  சமர்ப்பிக்கப்பட்டு விவாதிக்கப்பட்டது.விவாதத்தின் பின்னர்  வரவு - செலவுத் திட்டம்  சபை அங்கீகாரத்துக்கு விடப்பட்டது. இதன்போது ஆதரவாக 23 வாக்குகளும், எதிராக 21 வாக்குகளும் அளிக்கப்பட்டதன் அடிப்படையில் பட்ஜட் ஏற்றுக்கொள்ளப்பட்டது.இதன்போது இலங்கைத் தமிழரசுக் கட்சியின் 13 உறுப்பினர்களும், ஜனநாயகத் தமிழ்த் தேசியக் கூட்டணி மற்றும் ஈ.பி.டி.பியின் தலா 4 உறுப்பினர்களும், ஐக்கிய மக்கள் சக்தி மற்றும் ஐக்கிய தேசியக் கட்சியின் தலா ஓர் உறுப்பினர்களும் என 23 உறுப்பினர்கள் ஆதரவாக வாக்களித்தனர்.தேசிய மக்கள் சக்தியின் 10 உறுப்பினர்களும், அகில இலங்கைத் தமிழ்க் காங்கிரஸின் 11 உறுப்பினர்களுமாக 21 உறுப்பினர்கள் பட்ஜட்டை எதிர்த்து வாக்களித்தனர்.