சிரியாவில் இஸ்ரேல் அதிரடி தாக்குதல் சிரியாவின் அலெப்போ நகரின் புறநகர்ப் பகுதியில், புதிய சிரிய ஆட்சியின் ஆயுதப் படைகளுக்குச் சொந்தமான ஆயுதக் கிடங்கு ஒன்றை இஸ்ரேலிய வான் மற்றும் விண்வெளிப் படை தாக்கியதாக தகவல் வெளியாகியுள்ளது.துருக்கி வழங்கிய புதிய ஆயுதங்கள் மற்றும் வெடிமருந்துகள் அந்தக் கிடங்கில் சமீபத்தில் சேமித்து வைக்கப்பட்டிருந்ததாக தெரிவிக்கப்படுகிறது.தாக்குதலுக்குப் பின்னர் அந்தப் பகுதியில் அடுத்தடுத்து ஏற்பட்ட இரண்டாம் நிலை வெடிப்புகள் தொடர்பான காட்சிகளும் வெளியாகியுள்ளன. ஆயுதங்கள் மற்றும் வெடிமருந்துகள் சேமித்து வைக்கப்பட்டிருந்ததாகக் கூறப்படும் நிலையில், தாக்குதலுக்குப் பிறகு தொடர்ச்சியான வெடிப்புகள் ஏற்பட்டதாக தகவல்கள் தெரிவிக்கின்றன.சிரியாவில் உள்ள ஆயுதக் கிடங்குகள் மற்றும் ஆயுதப் பரிமாற்ற மையங்களை இஸ்ரேல் கடந்த காலங்களிலும் தாக்கியுள்ளதாக தகவல்கள் வெளியாகியுள்ளன. குறிப்பாக அலெப்போ விமான நிலையம் மற்றும் அதன் சுற்றுப்புறப் பகுதிகளில் ஆயுதக் கிடங்குகள் அல்லது ஆயுதப் பரிமாற்றங்களை இலக்காகக் கொண்ட பல தாக்குதல்கள் இடம்பெற்றுள்ளன.இந்த நிலையில், புதிய சிரிய ஆட்சியின் கட்டுப்பாட்டில் உள்ளதாகக் கூறப்படும் ஆயுதக் கிடங்கு மீதான தற்போதைய தாக்குதல், சிரியாவின் பாதுகாப்பு நிலைமை தொடர்பான புதிய கேள்விகளை எழுப்பியுள்ளது.