மத்திய கிழக்கு பதற்றத்திற்கு அமெரிக்காவே காரணம்-ஈரான் கடும் குற்றச்சாட்டு மத்திய கிழக்கில் நிலவும் பாதுகாப்பின்மைக்கு அமெரிக்காவும் ஒரு முக்கிய காரணம் என ஈரான் வெளியுறவு அமைச்சக செய்தித் தொடர்பாளர் இஸ்மாயில் பாகாயி குற்றம்சாட்டியுள்ளார்.இந்தப் பிராந்தியத்திற்கு வெளிப்புற சக்திகள் தேவையில்லை என்றும், அமெரிக்காவின் மூலம் பாதுகாப்பை அடையலாம் என்ற மாயையில் மத்திய கிழக்கு நாடுகள் சிக்கக்கூடாது என்றும் அவர் தெரிவித்துள்ளார்.மேலும், இஸ்ரேல் தண்டனையின்றி போர் நடவடிக்கைகளை மேற்கொள்ளும் சூழலை அமெரிக்கா உருவாக்கி வருவதாகவும் பாகாயி குற்றம்சாட்டினார்.“அமெரிக்காவின் அரசியல் மற்றும் பாதுகாப்பு ஆதரவு இல்லாமல், இஸ்ரேலால் இதுபோன்ற நடவடிக்கைகளைத் தொடர முடியாது” என அவர் கூறியுள்ளார்.அமெரிக்கா–இஸ்ரேல் உறவை நேரடியாக சுட்டிக்காட்டி ஈரான் முன்வைத்துள்ள இந்தக் குற்றச்சாட்டு, மத்திய கிழக்கில் ஏற்கனவே நீடித்து வரும் பதற்றத்தை மேலும் தீவிரப்படுத்தியுள்ளது.