அமெரிக்கா மாறினால் நாங்களும் தயார்-ஈரானின் புதிய இராஜதந்திரத் தூது அமெரிக்காவுடனான போர் பதற்றம் உச்சத்தை எட்டியுள்ள நிலையில், வாஷிங்டன் தனது ஆதிக்கப் போக்கைக் கைவிட்டால் பேச்சுவார்த்தைக்குத் தயார் என ஈரான் வெளியுறவு அமைச்சர் அப்பாஸ் அராக்சி (Abbas Araghchi) அதிரடியாக அறிவித்துள்ளார்."வாஷிங்டன் தனது 'விரிவாக்க அணுகுமுறையையும்' (Expansionist Approach) மற்றும் 'அச்சுறுத்தும் சொல்லாடல்களையும்' (Threatening Rhetoric) மாற்றிக் கொண்டால் மட்டுமே ராஜதந்திர ரீதியாகப் பழக முடியும்" என அராக்சி தெரிவித்துள்ளார்.சமீபத்தில் இஸ்லாமாபாத் மற்றும் மஸ்கட்  நகரங்களில் நடந்த ரகசியப் பேச்சுவார்த்தைகளின் தொடர்ச்சியாக இந்த அறிக்கை வெளியாகியுள்ளது.ஈரானின் இந்த புதிய திட்டத்தை அமெரிக்க அதிபர் டொனால்ட் டிரம்ப் ஏற்கனவே நிராகரித்துள்ளார்."அவர்கள் முன்வைக்கும் நிபந்தனைகள் எனக்குத் திருப்திகரமாக இல்லை" என டிரம்ப் நேற்று ஓவல் அலுவலகத்தில் செய்தியாளர்களிடம் தெரிவித்தது குறிப்பிடத்தக்கது.ஈரானின் இந்தத் திடீர் தணிவுப் போக்கிற்குப் பின்னால் ஒரு பெரிய திட்டம் இருக்கலாம் என ஆய்வாளர்கள் கருதுகின்றனர்.