காலி முகத்திடலில் ஈதுல் பித்ர் தொழுகை: ஆயிரக்கணக்கானோர் பங்கேற்பு புனித ரமழான் மாத நோன்பை நிறைவு செய்த முஸ்லிம்கள், இன்று (21) ஈதுல் பித்ர் பெருநாளை நாடு முழுவதும் பக்திப் பரவசத்துடன் கொண்டாடி வருகின்றனர்.இதனை முன்னிட்டு, கொழும்பு காலி முகத்திடலில் Memon Association ஏற்பாட்டில் விசேட பெருநாள் தொழுகை இன்று காலை சிறப்பாக நடைபெற்றது.இயற்கை எழில் மிக்க கடற்கரை சூழலில் நடைபெற்ற இந்த தொழுகையில், Colombo மற்றும் அதன் புறநகர் பகுதிகளைச் சேர்ந்த ஆண்கள், பெண்கள், சிறுவர்கள் என ஆயிரக்கணக்கான முஸ்லிம் பக்தர்கள் புத்தாடை அணிந்து திரளாகக் கலந்துகொண்டனர்.ஒவ்வொரு ஆண்டும் போல, இம்முறையும் தொழுகைக்காக தேவையான அனைத்து வசதிகளையும் ஏற்பாட்டாளர்கள் சிறப்பாக செய்திருந்தனர். குறிப்பாக, நீர் விநியோகம், பாதுகாப்பு ஏற்பாடுகள் மற்றும் தொழுகைக்கான விரிப்பு வசதிகள் மிகச் சீர்மையாக அமைக்கப்பட்டிருந்தன.மத வழிபாடுகள் மற்றும் விசேட பெருநாள் பிரசங்கம் நிறைவடைந்ததைத் தொடர்ந்து, அங்கு கூடியிருந்த பக்தர்கள் ஒருவருக்கொருவர் கை குலுக்கியும் கட்டித்தழுவியும் பெருநாள் வாழ்த்துகளை மகிழ்ச்சியுடன் பரிமாறிக் கொண்டனர்.மேலும், இந்த ஆன்மீகச் சந்திப்பில் நாட்டின் அமைதி, பாதுகாப்பு மற்றும் பொருளாதார முன்னேற்றத்திற்காகவும் விசேட பிரார்த்தனைகள் மேற்கொள்ளப்பட்டன.