நீர் வெட்டு மறுசீரமைப்பு பணிகள் குறித்து வெளியான அறிவிப்பு தெஹிவளை, கல்கிஸ்ஸை உள்ளிட்ட பல பகுதிகளுக்கு நீர் விநியோகம் தடைபட்டுள்ளது, இன்று நள்ளிரவுக்குள் வழமைக்கு திரும்பும் என்று எதிர்பார்க்கப்படுவதாக, தேசிய நீர் வழங்கல் மற்றும் வடிகாலமைப்பு சபை தெரிவித்துள்ளது.சேதமடைந்த குழாய்வழியை பழுதுபார்க்கும் பணிகள் தற்போது நடைபெற்று வருவதாகவும், இது சுமார் 60 ஆண்டுகள் பழமையானது என்றும் தேசிய நீர் வழங்கல் மற்றும் வடிகாலமைப்புச் சபையின் தலைவர் சந்தன பண்டார தெரிவித்தார்.அம்பத்தலேயில் இருந்து தெஹிவளை வரையிலான பிரதான நீர் விநியோகக் குழாயில் நேற்று இரவு பத்தரமுல்ல-கொஸ்வத்த குழாய் சாலைப் பகுதியில் உடைப்பு ஏற்பட்டதைத் தொடர்ந்து இந்த நீர் விநியோகத் தடை ஏற்பட்டுள்ளது.இதன் விளைவாக, மொரட்டுவ, கல்கிஸ்ஸ, கொலன்னாவ, ராவதவத்த, சொய்சாபுர, ரத்மலானை, தெஹிவளை, வெள்ளவத்தை, பாமன்கடை மற்றும் முல்லேரியா ஆகிய பகுதிகளில் அவசர நீர் விநியோகத் தடை விதிக்கப்பட்டது.