போர் முடிவுக்கு முட்டுக்கட்டை ஈரானுக்கு டிரம்ப் வைத்த அதிரடி நிபந்தனை அமெரிக்கா–ஈரான் இடையிலான பேச்சுவார்த்தைகள் முடங்கியுள்ள நிலையில், போரை முடிவுக்குக் கொண்டு வருவதற்கு அவசியமானதாக தாம் கருதும் ஒப்பந்தத்தை ஈரான் ஏற்காது என அமெரிக்க அதிபர் டொனால்ட் டிரம்ப் தெரிவித்துள்ளார்.டிரம்பின் இந்த கருத்து, இரு நாடுகளுக்கும் இடையே உருவாக்கப்பட்டிருந்த 60 நாள் பேச்சுவார்த்தை காலக்கெடு எந்தவித முன்னேற்றமும் இல்லாமல் முடிவடைந்துள்ள நிலையில் வெளியாகியுள்ளது. அந்த ஒப்பந்தம் ஈரானின் அணுசக்தித் திட்டம், அமெரிக்கத் தடைகள் மற்றும் ஹோர்முஸ் நீரிணை தொடர்பான பிரச்சினைகளுக்கு தீர்வு காண்பதை நோக்கமாகக் கொண்டிருந்தது.ஈரான் பேச்சுவார்த்தை நடத்த விரும்புவதாகத் தெரிந்தாலும், அமெரிக்கா ஏற்கக்கூடிய வகையிலான ஒப்பந்தத்திற்கு தெஹ்ரான் தயாராக இல்லை என்று டிரம்ப் கூறியுள்ளார்.அமெரிக்காவின் முக்கிய இலக்குகளில் ஒன்று, ஈரான் அணு ஆயுதத்தைப் பெறுவதைத் தடுப்பது என்றும் அவர் மீண்டும் வலியுறுத்தியுள்ளார்.இதற்கு மாறாக, ஈரான் ஏற்கனவே அமெரிக்கா ஒப்பந்தத்தை மீறியதால் 60 நாள் பேச்சுவார்த்தை காலமே நடைமுறையில் தொடங்கவில்லை என்று தெரிவித்துள்ளது. ஈரான் வெளியுறவு அமைச்சக செய்தித் தொடர்பாளர் இஸ்மாயில் பாகாயி, அமெரிக்கா ஒப்பந்தத்தில் கையெழுத்திட்ட சில நாட்களிலேயே விதிமீறலில் ஈடுபட்டதாக குற்றம்சாட்டியுள்ளார்.60 நாள் காலக்கெடு முடிந்தும் உடன்பாடு எட்டப்படாததால், போர் முடிவுக்கு வரும் பாதை மேலும் சிக்கலாகியுள்ளது.ஈரான் பேச்சுவார்த்தை தோல்வியடைந்தால் முழுமையான தாக்குதல் நிலைப்பாட்டுக்கு மாறக்கூடும் என எச்சரித்துள்ள நிலையில், அமெரிக்கா இடைக்கால ஒப்பந்தத்தை நீட்டிக்கப் போவதில்லை எனத் தெரிவித்துள்ளது