உலக சாதனைப் புத்தகத்தில் இடம்பிடித்த 13 நாள் குழந்தை உலகத்தைப் பார்ப்பதற்குள் உலக சாதனைப் புத்தகத்தில் இடம்பிடித்திருக்கிறார் ஆந்திரப் பிரதேசத்தைச் சேர்ந்த ஒரு பச்சிளம் பெண் குழந்தைவஜ்ரபு அகஸ்யா பிரின்சி என்ற இந்தக் குழந்தை, பிறந்த வெறும் 13 நாட்களிலேயே இந்தியப் பாஸ்போர்ட்டைப் பெற்றுள்ளார். இதன் மூலம், மிகக் குறைந்த வயதில் பாஸ்போர்ட் பெற்றவர் என்ற சாதனையை International Book of Records பதிவு செய்துள்ளது.ஸ்ரீகாகுளம் மாவட்டம் இச்சாபுரத்தைச் சேர்ந்த அகஸ்யா பிரின்சி, 2026 மே 30ஆம் தேதி பிறந்ததாக தகவல்கள் தெரிவிக்கின்றன. வெளிநாட்டில் வசிக்கும் அவரது பெற்றோர், குழந்தையுடன் லண்டன் செல்ல வேண்டியிருந்ததால் பிறந்த உடனேயே தேவையான ஆவணங்களைத் தயாரிக்கும் பணிகளைத் தொடங்கியுள்ளனர்.முதலில் ஜூன் 1ஆம் தேதி பிறப்புச் சான்றிதழ் பெறப்பட்டதாகவும், ஜூன் 2ஆம் தேதி குழந்தைக்கான ஆதார் அட்டைக்கு விண்ணப்பித்த நிலையில், ஜூன் 4ஆம் தேதி ஆதார் கிடைத்ததாகவும் தெரிவிக்கப்பட்டுள்ளது.இதையடுத்து ஜூன் 6ஆம் தேதி பாஸ்போர்ட்டுக்கு விண்ணப்பிக்கப்பட்டு, ஜூன் 12ஆம் தேதி பாஸ்போர்ட் வழங்கப்பட்டுள்ளது. அதாவது, பிறந்த 13 நாட்களிலேயே இந்தப் பாஸ்போர்ட் கிடைத்துள்ளது.இதற்கு முன்னர் 19 நாட்கள் வயதுடைய குழந்தை மிகக் குறைந்த வயதில் பாஸ்போர்ட் பெற்றவர் என்ற சாதனையை வைத்திருந்ததாகவும், அகஸ்யா பிரின்சி அந்த சாதனையை முறியடித்ததாகவும் இந்திய ஊடகங்கள் தெரிவிக்கின்றன.சிறு குழந்தைகளுக்கு பாஸ்போர்ட் வழங்கப்படுவது புதிதல்ல. ஆனால், பிறந்து வெறும் 13 நாட்களிலேயே பாஸ்போர்ட் பெற்றிருப்பது இந்தக் குழந்தையின் சாதனையை அரிதான ஒன்றாக மாற்றியுள்ளது.கண் திறந்து உலகத்தைப் பார்க்கத் தொடங்கிய சில நாட்களிலேயே, சர்வதேச சாதனைப் பட்டியலில் பெயர் இடம்பெற்றுள்ள இந்தக் குட்டி குழந்தை தற்போது பலரது கவனத்தையும் ஈர்த்துள்ளது.